احنا ليه كده؟

بيقولو كلامي تريقه

ومن تحت لتحت مداري

دلوقتي هتكلم بصراحه

ومن غيرما ألف وأدور

وهسألكو كام سؤال

وهمشي واسيبكوا على طول

احنا ليه كده؟

أقصد مين اللي خلانا كده؟

سؤال غريب أنا عارفه

بس الاغرب لما تلاقي عم أحمد

شايل هم العشا لولاده

شايل هم كيلو رز

يقسموا على مرتين

يأكل بناته

بيصرخ عم أحمد من الغلا

والدنيا الفنا

أحنا ليه بقينا كده؟

ومين خلانا كده

حد يقولي حد يفهمني؟

ايه ذنبي انا لما أصحى الصبح بضحك

ولاقي دموع امي

على رغيف العيش واجعني

لما الاقي اخويه ساب علامه

ورمى كتابه وماسك صنيه

وفوطه وفي القهوم بيخدم

مش دي بلدنا اللى خيرها مغرقني

اللى من نيلها روتني

اللى من ترابها رمتني

أهي دي بلدي ؟

رايح خيرك فين ولمين يابلدي

وفي جيوب مين بتحطي يابلدي؟

ده احنا اللى منك واولى بخيرك

كان نفسي احس بحضنك

كلام بنقوله في حبك

وفي قلوبنا شايلين منك

ولو قلت الحق فيكي يخدوني يادوب تحري

وياريت على كده يابلدي

ده العام اتخصص وشردتينا

ابتديتي بمصنع وفتحي فيها

والتعليم حاله مدهور

ومهما عملتي عمره مايطور

انتي زي مانتي يابلدي

وهتفضلي على طول تتاكلي

سابو ايه للغلبان

اللى رايح على قد الجاي

بقت اللحمه في الاعياد

وحتى الخضار مبقاش يلقاه

والفاكهه بيسمع عنها

حد يقولي حد يفهمني

أحنا ليه بقينا كده؟

متخفوش كده مني ومش هكتر في كلامي

أنا بردو عندي انتماء

لبلدي اللى باللهم ادتني

حبيبتي اللي مشوفتهاش

حببتي اللي مشوفتهاش
يامو الخدو الحمره
والضفاير عل الكتفين
يامو الضحكه الحلوه
والبوسه عل الجبين
يابلدي يامصر بحبك
حبه لاء حبتين
يامو الشهيد الحر والحضن لولادك
وعد لكبر وأربي
ووريلك أحفادي
وضياء مابنهم كبر
وصانك في غيابي
وقال عليكي حكم ماتتوصف بكلام
وحلف لينجح وهو بقى بيعيد و تمام
وكل ده لجل عيونك ياحبييته
ياللي عمره مشفهاش
يامو ناصر والسادات
يازهره حلوه في البلاد
ياعلا طالع لفوق
ياتراب متحني بالشهيد
اللي حارب في يوم عيد
وجاب النصر ورفع الايد
مهما أقول كلام مش هوفي
عايشين في خيرك بأمان يابلدي
واهو شبابنا اتعلم واتخرج
وعل الشغل اهو ربك ستار
مش عارف يختار منهم ايه؟
من الوظايف عشره وميه
ومش لاقين حد ياناس
ولما قال ياجواز
في انهي شقه يسكن محتار
معموره مهندسين
عجمي ولا شبرا
وكان قنوع واختار السطوح يابلاش
يامصر يامو الحضن الدافي
ياللي بخيرك مغرئه ولادي
نمشي في شوارعك بمنتهي الامان
ولاحد يألب جيوبك ولا يقولك
كان يامكان
وتقول رأيك بصراحه
وبأعلى صوت تقول حررررررررمت ياهووو
تلاقي
مصر ام الحضن الدافي
عل البرش فرشالك سراير
والاقلام على وشك هدايا
وان روحت تقول ظالموه
سمعا وطاعا لمصر الحبيبه
اللي خيرها تسعين دقيقه
وادي جبيبه ضياء اللي مشفهاش
وأحسن أنه محسهاش

القصيده دي اخذت بيها مركز اول على جامعه اسكندريه

في كليه تربيه رياضيه بنات في فلمنج

بجد كنت فرحانه اوي بيها وقد ايه احساسها بيقتلني

وكانت صعب عليه اقولها لانها بجد قطعت قلبي اوي اتمنى تعجبكم

ايه يابني رايح بيه فين

وجررني كده ليه؟.
بتلم هدومي وشايلهم ف ملايتي
هو أنا يابني بجت حمل عليك
الصراحه يااما البيت عل الجد
والبنات مصاريفهم كترت
وجهازهم عايز كام ألف
وانتي ياما زي الحمل
هوديكي دار تراعيكي
اصل مراتي منك هطج
وهي بصراحه معاها حج
كبرتي ياما وبجيتي عجوزه
ولامنك فايده ولاعوزه
ودواكي ياما واخد معاشك
والاكل بتاعك من جوت بناتي
وابني الجديد هينام مكانك
واديكي شايفه الحال يامه
يابني انا عايزه اموت هنا
ف اوضه ابوك وريحته هنا
واذا كان عل المكان هنام عل الارض
واذا كان عل الاكل بلاش الدوا
خد معاشي اديه لمراتك
وجولها تسبني اعيش هنا

دانا ايامي بجيت منفاته
وان عشت النهارده
هموت بكره
بلاش ياولدي اتبهدل بصراحه
واذا كان عل اللجمه اكلها بملح
وأكلها لولادك ومراتك
سبني يابني اموت مرتاحه
اشم ف البيت ريحه ابوك
كان بيجعد هنا مكانك
ويشاورلي بايده زيك
وادي جلبيته من رحته معايا
وهي جنبي بكون مرتاحه
بصراحه يامه مراتي أويه
وحالفه متجعدلي دجيجه
ياهي يانتي وااني ف حيره
وولادي عايزين يتربوا
وانتي مترضيش الازيه
من غيرها اتشرد انا وعيالي
جومي يامه تعالي معايا
واذا كان عل الجلبيه خديها معاكي

لو جيت في يوم ليه وحنيت
هخدك في حضني وهمسح دمعي
وأقول سامحتك من زمان
وهنسى اسوه ظِلمك ليه
وجرحك لقلبي وانسى الالام
وافتكر نظره عيونك
معاها بنسى كل اللى كان
حنان وحب مدفي قلبي
معاك حبيبي حاسه بامان
ساعتها هلمس ايدك برقه
وابوسها واقول مشتاقلك كمان
عمري حبيبي تحت امرك
سيباه يمشي معاك في سلام
لو مهما قالو الناس عليك
وان حبك ملوش مكان
هفضل اتحدي الناس وعقلي
واخدك في حضني وادفيك كمان

حاجه غريبه وخداني لبعيد

بتخليني اعيد الحنين

وأحس بقربك حوليه

وشوقي في اسوتك عليه

كانت احن مافيك عليه

بس لو يرجع بينا الزمان

وأشوف عنيك لو لحظه وثانيه

كنت تسبني او تجرحني

قبل ماتبعد كده عني

وياخدك الموت مني

كنت قولى افضل جنبك

أحضن بأديك اديه

اشتقت لخوفك ولهفتك

لحنانك واسوتك

اشتقت المس بعيني دمعه

كانت هتنزل في يوم مني

في خوف عليه من غدر زمن

او فراق يخدك مني

ليه من غير ماتودعني مشيت

وكل ماأسأل حد عنك يبعدني عنك

مشيت وسبت وراك جراح

كل ماحد يسألني عنك

بلاقي دموعي سبقت سؤالهم

أدور عليك فجأه اختفيت

عديت عليك قلت يمكن أشوفك

لقيت نفسي تايهه في مكان

معرفش ليه حسيت بوجودك

مكان مهجور كله أموات

قلت لنفسي يادي الغباء

رجعت أسأل عنك جيرانك

أصحابك وحتى أخواتك

يقولولي انسيه ده باعك

وزمان عرف غير بنات

طب حد يقولي هو فين

أسمع منه كلمه وداع

وفجأه وبعد أيام وشهور

وأنا عايشه بقلب مكسور

ألاقي حد بيعزيني

ضحكت وقلت محدش مات

أكيدغلطت في العنوان

قالي ازاي وانا دافنه بأيدي

ضحكت ودموعي في عنيه بحار

مفيش حد عندنا مات

مفيش حد عندنا مات

قالي لاء ده من زمان

من شهر اربعه اللي فات

قلت اكيد انت غلطان

قالي لاء خطيبك مات

مش ممكن

وازاي

اتاري الناس بتخبي عني

وانا كنت بحلم احلام غريبه

واحساسي بيخدني في لأفكارمريبه

ولما دورت عليه خدتني رجلي للقبور

كل ده وانا كنت فين؟؟

ومات ازاي وأمته وليه؟

وازاي قدرتو تخبو عني

وليه قلتولي انه خدعني

وخلتوني اعيش مجروحه

وهو سابني ومات ازاي

واحلامنا سبهالي ازاي

مش هصدق كلامهم ليه

كان يتجوز بس تشوفه عنيه

يخوني بس مايروحش مني

وليه سبتوني اكتب في جرحي

واتخيل اسباب لفراقي

وليه قلتولي زمانه اتجوز

وعايش حياته ونسيني خلاص

كان لازم أعرف انه مات

خبيتو عني ومش هسامحكو

ولاهسامحه انه سابني وراح

طب وقلبي اللي خاتو معاك

هيحس ازاي هيعيش ازاي

انت فين مبترد عليه

سبتلي صوره منك وكلمه

وروحك حوليه بتعزيني

سمعاها بتبكي على سنيني

ده قدر كان اقوى منا

جمع قلوبنا وأوام كسرها

عارفه اني مليش حظ

واني الجراح مكانها عندي

بس بكفايه يازمن

باخدصورتك كل يوم في حضني

وأكلمها زي زمان

بشتكلها من بعدك عني

وقسوتك في اشتياقك ليه

واسمع في غنوه سبتهالي

قلبي بيتقطع من كلماتها

نفسي اخد قبرك في حضني

واحضن بعيني ظلام لياليك

والمس بايدي نبض قلبك

وأشوف قلبي مكانه فين

فاكر زمان

ايام زمان

حب وغرام وجنون وعشق

فاكر اميرتك حبيبه قلبك

محدش يقولي انه مات

هو عايش وراجعلي تاني

بس هو هيتأخر شويه

بس أكيد راجعلي تاني

أنا مش هكون ابدا ضعيفه
وابص ورايه زي زمان
هتحدى قلبي ولو كسرته
الا كرامتي ولو فيك بموت
اديتك كتير وقلت جايز
تقدر مشاعري لقيتك بتجرح
وقلبك عمره ماكان بيحس
استحملت معاك أهات
كل يوم دموع وحزن
لقيتك بتقتل احلى ماعندي
الاكرامتي ولو فيك بموت
خطفت مني احلى ايام
وقطفت ورده عمري مني
واتريك بتخوني في غيابي
ومع واحده يارتها تستاهل
وهي الخيانه في دمك ماشيه
وعشان الخيانه ماينفعش اكمل
الاكرامتي ولو فيك بموت
سمعت عني كلام قلته
من ورايه وجوايه كتمته
كان بيجرح فيه قلبي
وكنت بضحك خايفه تعرف
اني عرفت كلامك ليه
الاكرامتي ولو فك بموت

أنا نفسي أكون زيك

كلام موزون عل القافيه تمام
وده مايجيش غير من جبان
عزفلي على جيتاره ألحان
وسمعني بصوته غنوه حنان
وبنبراته حسسني أمان
كان باخلاصه واهمني
وبحبه الكداب ثبتني
أتريه مع غيري بيخوني
ومقدرش وعده لأهلي
وبجرحه لقلبي ضيعني
كسر جوايا حنين
حلم حلمته معاه لسنين
أوتاره كانت شدتني
وبسرعه ليه جذبتني
أتريها أوتار مقطوعه
أهدفها مين هيديني؟
مين هيوصلني؟
بس أنا كنت فقيره في نظره !
محلتيش غير قلب يحبه
وبسرعه خانه عشان حبه
ورمي نفسه في حضن واحده
قد أمه
بفلوسها اشترت قلبه
واكتشفت بايدي خيانته
وانه أرخص من اني أحبه
وفرحت اني عرفت طبعه
قبل مكان في شباكه يصدني
يادموع على مين بتبكي؟؟
ده مكنش يستاهل حبي
وبطبتي اديته روحي
وصرفت عليه فلوسي
أتريه طمعان في أهلي
ومن خبتي سلمته عمري
كنت فاكره أنه هيصوني
أتريه بخوفه عليه واهمني
وهو كل دقيقه مع غيري
وكسر معايا قلب أمي
اللي كانت بتحبه زيي
وخان وعده لأبويه
اللي حبه زي أخويه
وفتحلو بيته وشحنلو خطه
وحطلو اللقمه في بوقه
ياريتك ماكنت استنيت شويه
كنت سبني أبكي شويه
قبل ماأمي تبكي عليه
والدموع تقفل عنيه
وأسمع في غنوه سبتهالي
على جيتارك غنتهالي
أنا
نفسي
أكون
زيك
اتعلم
حاجه
منك
أجرحك
بيها