شوفتك صدقني وعملت

نفسي مش واخده بالي

ماانت ياما جرحت قلبي

وأنت عمرك ماحسيت بحالي

بحبك كنت زمان بقولها

في سري وكان نفسي

أعرف جواب نهائي

وكنت بتسخر من مشاعري

زي ماتكون انسان مش داري

حسيت كتير بنبض قلبك

زي ماتكون من زمان في بالي

بتحب دايما تحس بنفسك

واديتك ده وارضيت تنساني

جرحك اني لمره نسيتك

وعملت نفسي مش واخده بالي

مانتا ياما كنت بتنسان

يحسيت بجرح مني الليلادي

وقررت ان انت تنساني

مانتا ياما جرحت قلبي

حسيت بيه النوبادي

روح وانساني لو عايز تنساني

وأبقى قابلني

لوحد غيري اداك حناني

بكره ترجع وافكرك

باللحظه دي وتترجاني

ترجع تاني

أنا عارفه ان حبك ليه كان شئ عادي

بس صدقني

مش هتلاقي حد يحبك من تاني

محتاره في أمرك ريحني

اتعلمت منك ازاي

اداري قسوه حبي

محتاره في امرك قوللي

بتحبني ولا بتلعب بمشاعري

علمتني ازاي قدام عنيك اخبي ضعفي

بحبك ايوه بحبك

بس خلاص منك مليت

سكوتك بيقتلني

بيجرحني اه بيعذبني

لامته هتفضل تتجاهل حبي

ومن حناني تتحرم مني

احتارت في امرك فهمني

بتحب غيري وبتخوني

ولا انت بتسمتع بأهات قلبي

طول عمري وانا عايشه

في ضميرك بكل حواسي فيك خبيني

غلطت لما حسيت بنبضك

وزرعت في مشاعري دقات قلبك

رضيت اسيب قلبي يروحلك

يحس بيك ويشتاقلك

محتاره في امرك قوللي

جواك غيري و خايف على جرحي

سماعني دقات قلبك

بتتنهد حبي زيي

يانفسي

انت انقسام مني

بل انت مني

بلاش تتقل على قلبي

وتقسى عليا وتجرحني

صمتك جوايا بيهزمني

وبيشيل حبك من دمي

انطق بقى ريحني

خايفه اكون بحبك لواحدي

وقلبي حس بوهم مشاعري

قوللي انا ايه بالنسبالك

قبل ماقلبي من حبك يضحي

ويروح لحد تاني مستني

كلمه مني تريح قلبه

يعيش بيها على طول

متهني

صحيح مش هبقى سعيده

بس هريح حد

كان في يوم متعذب زيي

وحشه في حقنا قدام الشعو ب

نقف ونصرخ لا للسكوت

سته ابريل ده مش هروب

دي صرخه وليد في رحم الشعوب

مصر بلدنا فين خيرك

وليه نقف قدام سيفك

ونقول في وشك مش عايزينك

ياتكوني بلدنا يانشوف غيرك

ليه كل الشعب عليكي بيقول

ياترخص الاسعار يانموت

هونا عليكي يابلدنا

نقف قصادك زي زمان

سعد وعرابي في منهم هنا

احمد ومايكل ونور وسما

خيرك فين يابلدي قوليلي

وصدقيني هسامحك صارحيني

بس ارجعي زي مانا

رسمك في قلبي طير في السما

يافرحه بوش فيه

واقف يتفرج على مسرحيه

ابطالها شعب مقهوربيصرخ لا للجوع

عايزني نعيش ياأما نموت

كفايا يابلدي ظلم وخوف

متبقيش يابلدي طير مدبوح

أنا بحبك وبعشق ترابك

ومعاكي يابلدي في كل ظروف

ليه سبتها؟

ليه سبتها مهي شبهك

ارجعلها

وانساني وانسى حناني

مبقاش فاضل غير ثواني

سبني وروحلها

دي كتير عليك أنا

روح لحضنها

كان غيرك قبلك فيه

مانت بردو زيها

معايا وكنت بتخون

فوقتني وخدعتها

مش هندم عليك خلاص

منا نسيتك وقتها

روح لحضنها

حس بدفئها

حس بغدرها

ارجعلها بلاش تخسر قلبها

شوف انت الكام فيه؟

مانت زيك زيها

بتهوى تاخد حاجه غيرك

ولاعمرك هتأمنلها

مبروك عليك حبيبتك

حبيبه غيرك وغيرك

ومبروك عليه قلبي

انساني وروحلها

ارجعلها مش فاضل غير ثواني

ألحق روحلها

خدها وضمها حسسها بأنك لها

قبل ماتروح لغيرك وف حضنه

تجرحك

روحلها

وانساني مش هرجعلك بقى

مش بتقولي نستيه

ليه أول ماشوفتيه

عنيكي عليه دمعت

ولا هو وهم وخلاص

عايشه فيه وبتهربي

اعترفي انه لسه في دمك

وحبه أقوى من الزمن

نسيانه صعب ده شئ أكيد

وأنتي منه بتهربي

ليه عايشه لواحدك مجروحه

والالم بيقتلك

والضحكه من ورا قلبك

والناس فاكراكي بتضحكي

ليه مجرتيش في حضنه

وداريتي دموعك وبتضحكي

وانتي جواكي بتندمي

ونفسك تاني ترجعي

وف حضنه اوام تترمي

ارجعي لو عايزه ترجعي

بلاش كرامتك تضيعك

ولقلبك تكسرك

عمرك ماهتنسي حبه

ولا هيعوض حد قلبه

ارجعلى لو عايزه ترجعي

عايزني اقولك ايه

وانت بيه مش حاسس

خايفه على احساسي منك

يروح بيه لطريق فاضي

وانت مش فاهم سكوتي

وحيران في نبره صوتي

خايفه من نفسي أوي

شئ جوايا جذ بني ليك

مينفعش اقول احساسي ليك

بهرب من حبك ومن نفسي

واحاول اعيش لواحدي

مش بقدر وبرجع تاني

عارفه ان جواك حد غيري

بس غصب عني

احساسي اقوى مني

بلاش تنشغل عني

وحياتك تاخدك مني

ده انا كل لحظه بفكر فيك

وحياتي اتغلبطت بيك

أول ماشوفتك رسمتك ملاك

خايف عليه وجواه حنان

غصب عني دموعي نزلت

رسملي ضحكه ومسحلي دموعي

بحنانه وطيبته حسيت بضعف

استسلمت ليه معرفش ليه؟

مش عارفه يمكن لازم ابعد

عن قلبه ولازم اسلم

احساس جوايا لازم يموت

قبل مايقتلني بيه

احساس جوايا وخايفه عليه

شوفني بقلبك مش بعنيك

هتحس بشوق بينادي عليك

وقلب محسش غير بيك

في سكوت بيشتاق لعنيك

بيحس بقلبك وطول عمره شاريك

وروحه معاك منين ماتروح

قايم نايم يحلم بيك

في همس الليل فيك بيموت

عايش يحلم بلحظه شوق

تحس بيها بقلبه المفتون

وتحن عليه بنظره عين

تعوض بيها قلبه المحروم

تملا حياته بسمه على طول

قد ماعشت سنين اتمنى

لحظه تحن عليه بهمسه

ونظره تعيشني سنيني الجايه

هفضل احبك قد عنيه

حتى لو محنتش عليه

وعشت من غير ماتحس بيه

كفايه حبك اللي عايش فيه

قلبي الحزين

من قالك اني نسيتك

او حتى في يوم فكرت

ده انا عايشه اتنفس حبك

ولا لحظه في يوم بطلت

سنين عدت علينا

وانا قلبي فيك بيموت

ولا عمري عرفت انسى

لحظه بينا وشوق

تعالى في حضني ارجع

هتلاقيني زي مانا

جوايا حنين لقربك

ولا عمري نسيتك

انا طول عمري عايشه احبك

وانا عارفه ان انا مش ليك

وقلبي عمره محس

في لحظه غير بيك

عايشه بذكرى حلوه افتكرها

طول السنين

وان ارتبط بغيرك

عمري

ماهنسى السنين

ولا حضن اي حد هيدفي

قلبي الحزين

وهسمي ابني باسمك

وهفضل احن ليك

عمري ماهنساك حياتي

ولو شالو قلبي اللي انت فيه

خايفه اسأل عليك

خايفه اسأل عليك

اسمع كلام يوجعني

خايفه اصحي مشاعره

كانت ساكنه عندي

خايفه اعرف ان حبك

لسه ساكن جوه قلبي

واني بحلم كل يوم الف مره

بيك في حلمي

خايفه اسرح في اي حاجه

تروح بيه جوه حضنك

واعرف ساعتها ان حبك

لسه مطلعش من دمي

خايفه اقول انك واحشني

وان حبك ساكنه قلبي

بهرب من سيرتك لاضعف

وانا مش حمل صراخك ياقلبي

ولما حد يكلمني عنك

بخبي دموعي جوه النني

واحاول ابين انه عادي

ومش فارق معايا بعدك عني

ولما بسمع كلامك عني

حتى لو كان يوجعني

بفرح انك جبت سرتي

وانك لسه بتنطق اسمى

لو الكلام فيه ألمي

وافتكر ايامي معاك

واخد صورتك جوه حضني

واضحك زي ماكنت معودني

بس غصب عني ببكي

لما بكون قاعده لوحدي

اصلي نفسي حبيبي

ترجع زي زمان مكانك حضني